PUISI BALI ANYAR - MATERI KELAS XI SMA

on
PUISI BALI ANYAR

Puisi Bali Anyar punika wantah sastra sane kaangge nartaang  pabesen, ngangge basa sane bawak nanging dagingne padet. Puisi puniki sastra sane kakomunikasiang boya ja gatra, sakewanten karya sastra sane madaging rasa muah napi sane kacingak indik kahuripan,nglimbakang tur najepang kontak-kontak ring sane katerapin.

Unsur-unsur ring puisi :

  1. Unteng
  2. Rasa
  3. Nada( tangkep pangawi)
  4. Pabesen /piteket

Mangda papacan puisine lengut tur ngelangunin pinih becik telebang dumun uger-uger ngwacen sakadi ring sor puniki :

1. Resep, Wirasa

Pinih riin sadurunge ngwacen, patut resepang dumun suksma, wirasan utawi unteng   puisi sane jagi kawacen. napike puisi punika madaging indik ksinatrian, kalulutan, kasengsaran, utawi sane tiosan. Yan tan tatas uning ring suksman puisine punika, sinah ngwetuang papacan sane tan becik utawi singsal.

 

2. Suara, Wirama

Yan sampun tatas ring wirasan puisi sane kawacen, patut anutang mangkin ring wiraman suara rikalaning ngwacen. ring dija patutne alus, banban utawi keras. Tur suarane rikala ngwacen mangda prasida tatas kapireng olih sang mirengang.

 

3. Semita/ Raras, Wiraga

Semita/ Raras = mimik

Wiraga = gerak tubuh

Rikala ngwacen puisi, semita lan wiragane patut anutang ring wiraman suara miwah ring wirasan puisine sane kawacen. Yan suksman puisine indik kasengsaran, wenang wiraman suara , semita miwah wiragane anut sakadi anak kasengsaran. Yan sampun asapunika sinah prasida papacan puisine pangus, lengut tur nglangenin.

 

4. Wates Lengkara

Mangda seken tatuek babosan utawi unteng pikayun sane wenten sajeroning puisi, patut tatasang ugi ring dija patutne babaosane/papacane majanggelan utawi mararian. Sajabaning punika ri kala majanggelan sang ngwacen polih mangsengan.

 

Sumber : File dokumen guru saya(yang mungkin didapat dari referensi di internet) saya hanya meng copas untuk memudahkan saya mengaksesnya di web. 

*ALL CREDIT GOES TO THE AUTHOR*

Comments

Post a Comment